19.05.2023
Инфрақұрылым құрылысы жалғасуда
Ағымдағы жылы 1,2 км шаруашылық-тұрмыстық кәріз, 4,9 км техникалық су құбыры, 5,1 км шаруашылық-ауыз су құбырын салу жоспарлануда, сондай-ақ кәріз-тазарту құрылыстарының құрылысы аяқталады.
Қазіргі уақытта Облыстың құрылыс басқармасы мердігер ұйымдармен шарттар жасасты, жұмыс кестелері келісілді. Сәуір айында құрылыс-монтаж жұмыстары басталып, жер жұмыстары жүргізіліп, қажетті материалдар әкелініп жатыр.
Инженерлік желілердің құрылысы "Павлодар" АЭА аумағының солтүстік техникалық дәлізі бойынша жүргізілуде, бұл барлық аумақты сумен жабдықтау және су бұру инфрақұрылымымен қамтамасыз етуге мүмкіндік береді. Бұған дейін аумақтың осы бөлігіне электр энергиясы тартылып, жалпы қуаты 5 МВт болатын 6 кВ әуе желісі бар № 2 тарату қосалқы станциясы пайдалануға берілген болатын.
Осылайша, АЭА-ның әлеуетті жаңа қатысушыларына өндірісті салынып жатқан инфрақұрылымға жақын орналастыру үшін жер учаскелері берілетін болады, бұл шамамен 300 га жер алаңы.
